TARLTON, GAUTENG - 'n Ma van Gordonsbaai het met 'n boereplan vorendag gekom om die wisselkoers tussen die rand en die Switserse frank te probeer troef.
Corné Els het met 'n trekker vanuit Gauteng na Robertson in die Wes-Kaap vertrek.
Met dié reis probeer sy geld insamel vir haar dogter, wat einde Augustus aan 'n toutrekkompetisie in Switserland deelneem.
Marconette Els, 'n leerling aan die Hoërskool Strand, is gekies vir die nasionale span wat by die wêreldkampioenskap gaan meeding.