JOHANNESBURG - Talle mense word vermis ná oorstromings en kitsvloede in dele van Gauteng.
Veral die weste van Johannesburg het Donderdag onder swaar reën deurgeloop en grootskaalse skade is aangerig.
Die Nasionale Seereddingsinstituut het Vrydag saam met verskeie ander nooddienste nagenoeg 150 reddingsoperasies uitgevoer.
Volgens City Power is daar ook meer as 4 000 kragonderbrekings in die Johannesburgse metro aangemeld.