FOCHVILLE - Getuies in die Natasha Barnard-moordsaak het 'n prentjie geskets van die chaotiese aand voor haar dood.
Twee voormalige beskuldigdes het Dinsdag in die streekhof in Fochville getuig.
Die 33-jarige Barnard is in Maart 2022 dood ná 'n vermeende kroeggeveg by The Boulevard-kuierplek.
Die kroegman Rudolph Pretorius, wat ook as Ruan bekend staan, word van haar moord aangekla.